• binay2018 7w

    " ଅପ୍ରାପ୍ତି "

    ତୁମେ,
    ମୋ ଜୀବନର,
    ଅନେକ ନ ପାଇଥିବା,
    ସପନ ଭିତରୁ ଗୋଟିଏ ।
    ତଥାପି ପାଇବାକୁ ଅଡି ବସେ,
    ଅବୁଝା ଶିଶୁଟିଏ,
    ସତେ ଅବା ଜହ୍ନ ମାଗି ବସେ,
    ନିଜ ଅଜାଣତେ ,
    ପ୍ରାପ୍ୟ କି ଅପ୍ରାପ୍ୟ ନବୁଝି ।

    ମୁଁ ତ ମଣିଷଟିଏ,
    କାମନାର ସରହଦ୍ ରେ,
    ହୁତ୍ ହୁତ୍ ଜଳୁଥିବା ବନାଗ୍ନିରେ,
    ନିରୀହ ହରିଣ ଛୁଆଟିଏ ।
    ଛନ୍ ଛନ୍, କନ୍ କନ୍
    ଅଗ୍ନିର ସ୍ଫୁଲିଙ୍ଗ ଦେଖି,
    ପକ୍ଵ ଫଳଟିଏ ଭାବେ,
    ହେଲେ ହାତ ଜଳାଇବାର
    ସାହସ ଜୁଟାଇ ପାରେନି ।

    ସାହସ ତ ଅନେକ ଥିଲା,
    ଲଢିବାକୁ ଦୁନିଆ ସହିତ,
    ହେଲେ ଡରି ଗଲି,
    ଯେତେବେଳେ,
    ତୁମେ ପଛେ ହଟିଗଲ,
    ରାଜପୁତ୍ର, ପକ୍ଷୀରାଜ ଘୋଡା ଆଉ
    ମହଲ ର ଚକ୍ ମକ୍ ରୋଷଣୀରେ ।
    ରାଞ୍ଝା, ମଜନୁ କିମ୍ବା କେଦାର,
    ମୁଁ ହୋଇ ପାରିଥାନ୍ତି,
    ଯଦି ତୁମେ ଥରଟିଏ,
    ହିର୍, ଲୈଲା କିମ୍ବା ଗୌରୀ
    ହେବାର ଭରଷା ଦେଇ ଥାନ୍ତ ।
    * ବିନୟ ମହାପାତ୍ର
    ©binay2018