• vanshika21 13w

    Theher jaate kisi bahaane se, par bahaana bhi kya hota jab zidd ko tavazzo zyada di thi tumne.
    Manaa leti mein tumhe, par kya, jab roothne ka guroor zyada tha.
    Sunn jaate ankahi baatein, par kya, jab mann ne vo maan rakha tha jo tum chahte the.
    Jataa lete haq, par kya, jab dooriyan badhana zyada sahi samjha tha tumne.
    Dekh lete ek baar, par kya, jab andekha karna hi kasam thi tumhari.
    Le jaate yaadein apne sath, par kya, jab inhe zinda rakhne ka zimma humne hi le rakha tha.
    Haalaat yu hai ki,
    Zindagi alag, mehfiley alag, ab kisi ka theherna - jaana maayne nahi rakhta.

    - Vanshika Lodh