• afifaiqbal 7w

    Nosh (Antidote)

    *Nosh*

    Marz bhi mai
    Shifa bhi mujhse!

    Dard bhi mai
    Or Dwa bhi mujhse!

    Iqraar bhi mujhse
    Inkaar bhi mujhse!

    Jung bhi mujhse
    Or Pyaar bhi mujhse!

    Narazi bhi mujhse
    Raazi bhi mujhse!

    Barbaadi bhi mujhse
    Or Aabad bhi mujhse!

    Ghamgiin bhi mujhse
    Dil Shaad bhi mujhse!

    Kabhi Pur-Musarrat
    To kabhi Shaad bhi mujhse!

    Tareefein bhi meri
    Shiqayatein bhi mujhse!

    Jashn bhi merey honey ka
    Or Maatam bhi mujhse!

    Aitraaz bhi mujhse
    Aitbaar bhi mujhpe!

    Tamaam swalaat k
    Har jwaab bhi mujhse!

    Doorie bhi mujhse
    Or Hum-Aghoshi bhi!

    Na-farmani bhi meri
    Or ijaazat bhi mujhse!

    Khalish or Taqleefein bhi Rahat or Tashaffi bhi!

    Sang-Dili bhi mujhse
    Or Humdardi bhi!

    Talluq bhi rkhna hai
    Or La-Talluqi bhi!

    Furqat bhi mujhse
    Qurbat bhi mujhse!

    Tafteesh karu agar Muhabbat ki!
    To Razamandi bhi nhi- Or Iqraar bhi mujhse!!

    ©afifaiqbal