• binay2018 7w

    " ପ୍ରେୟସୀ "

    ବିଶ୍ରାମ ଯଦି ଖୋଜଇ ଏ ମନ,
    ନଇଁ ଆସେ ତୁମ ପଣତ ଛାଇ ।
    କ୍ଳାନ୍ତ ଶରୀର ଅବଶ ଡେଣାରେ
    ଛୁଇଁ ଯାଏ ସତେ ମଳୟ ପରଶ
    ତନ୍ଦ୍ରା ଆସଇ ନଇଁ ।।

    ଗୀତିମୟ ତୁମ ଚାଲିରେ ଚାଲିରେ,
    ଝଙ୍କାର ତୋଳେ କର କଙ୍କଣ ବୀଣା ।
    ପରଶ ତୁମର ଶିତଳାଇ ଦିଏ
    ରୌଦ୍ର ଦଗ୍‌ଧ ସବୁଜ କ୍ଷେତ ମୋ
    ଫୁଟେ କେତେ ଫୁଲ ରଙ୍ଗ ଜିଣା ।।

    ତୁମରି ଗୋଲାପି ମିଠା ଅଧରର,
    ଇନ୍ଦ୍ର ଜିଣା ସ୍ମିତ ହସ ।
    ତୁମରି ତନୁର ମହ ମହ ବାସ,
    ପ୍ରତି ଲୋମ ମୂଳେ ଶିହରଣ ଦିଏ,
    ମନକୁ ମୋହର ଚହଲାଇ ନିଏ,
    ରଚିବାକୁ ପ୍ରୀତି ରାସ ।।

    ତୁମେ ତ ମୋହର ପ୍ରଣୟର ଦେବୀ,
    ତୁମେ ଗୋ ହୃଦୟ ରାଣୀ ।
    ତୁମ ପ୍ରୀତି ମୋର ଜୀବନ ନିର୍ଯାସ,
    ତୁମ ବିନା ଶୁନ୍ୟ ହୃଦୟ ମନ୍ଦିର,
    ଶୁନ୍ୟଗର୍ଭା ଏଇ ଜୀବନ ଯେମିତି,
    ତୁମେ ଯେ ନେଇଛ,
    ଦେହ ମନ ମୋର କିଣି ।।
    * ବିନୟ ମହାପାତ୍ର
    ©binay2018