• indraparmar 6w

    Likhna chahta hu ,
    mere lafzo ko Teri khubsurati se sajana chahta hu,
    Le jau Aaine ke samne hath rakh aankho pe Teri me ,
    Fir aaine me tujhe khud ko hi dikhana chahta hu.

    Haan tum Kya ho wo tumhe batana chahta hu.

    Chalo dekhte hai tumhari aankho ko jo hai is mausam se bhi nashili,
    Hoth jo hai kisi Gulab se bhi jyada sharbati,
    Kyu kahete hai ishq ko ibaadat Jahan me,
    Le ja ke ishq ke mandir me, mera khuda tumhe banana chahta hu.

    Haan tum Kya ho wo tumhe batana chahta hu.

    Takte rahenge Aaine me tujhe hum tum milke kuch is qadar,
    Jal Jaye Aaina bhi Teri khubsurati ko dekh kar,
    Dekh Lena aankho me Meri Tere husn ki likhavat,
    Teri aankho me , me khud ko bhi dekhna chahta hu,

    Haan tum Kya ho wo tumhe batana chahta hu.

    Chalo chale kisi roj purnima ki rat chhat pe mere,
    Tum Chand takna aur me tumhe,
    Ek rat chand gugur kar baitha tha apni Chandni pe,
    Mere pass Jo chand hai wo use me dikhana chahta hu.

    Haan tum Kya ho wo us chand ko Dikhana chahta hu.

    Haan tum Kya ho wo tumhe batana chahta hu..!

    Haan tum Kya ho wo tumhe batana chahta hu..!
    ©indraparmar