• the_nerd_girl 15w

    Neele neer kinaare, neel gagan ke tale ek chota sa jahan basta hai. Kaviyo ki kalam se door, rooho ki sparsh se pare, par ek anokhi maya me jakra hua, ek khooshboo sondhi si hawa mein bikhri hui, jaise kisini phoolo se mehek nichod ke hawa me ghol di ho... ek khamoshi basi hui hawa me, jhoomte pero k shakhao me, khamoshi aur shor, shor karoro dilo ki awaz ki, woh dil jo ghum hai uchi imarto ki chaka chondh me.. woh dekho neer ki muskurahat, jaise neele asman ko apne andar basa liya ho, dhara aur gagan ke milan ko jaise usne apne ankho me basaya ho... woh titliya, indradhanush ke rango me rangi apne pankho se rang bikherti hui dekho kaise sapne saja rahi hai un khaali ankho me.
    geetkaro k bol se kai door ek jaha toh hai, khoya nahi bas chupa hai, ab bas raha hai mere bhitar aur shayad paoge tum bhi kabhi kisi din, kisi roz,
    ek din yeh bhi basega ek kavi ki syahi me rangi hui, chamakti hui, amar hoke, kabhi ek din, kisi roz...

    ┬ęthe_nerd_girl