• the_soul_speaker 33w

    Bikharte Waqt

    Kbhi rote hue dekha hai tumne mujhe,
    Jab meri saans atak si jaati hai.
    Meri aankhen namm ho jaati hai.
    Aur mere haanth uss takiye ko lipte hote hai.
    Jo mujhe ek insaan ki maujudgi ka ehsaas dilata hai.
    Kbhi rote hue dekha hai tumne mujhe,
    Mere khilkhilate chehre me jab meri ankhen sikud si, jaati hai sabko bdi sundar lagti hu main.
    Par jab main roti hu wahi aankhen laal ho jaati hai.
    Aur meri awaaz samjh nhi aati hai.
    Kabhi rote hue dekha hai tumne mujhe.
    Jab sab uss kambal me lipte hue so rhe hote hai,
    Tab meri ankhen ro rhi hoti hai.
    Uss waqt rone ki wajah batana naamunkin saa ho jaata hai.
    Kbhi rote hue dekha hai tumne mujhe.
    Logon se chhip kr rona,
    Aur phir unn laal ankhon ki wajah sar dard batana ,
    Rone ki wajah naa pata hona.
    Phr khud se hi ojhal sawaal krna.
    Kbhi rote hue dekha hai tumne mujhe,
    Agar nhi dekha toh mere gusse, meri fikr,
    Mere jazzbaat aur mere zikr,
    Nhi samjh sakte tum.
    Kyunki nhi dekha tumne mujhe uss waqt jab main, Khud bhikharti hu aur khud shambhalti hu.
    Fursaat mile toh dekhna kbhi rote hue kisi aur ladki, Ko shayad wo tumhe samjha sake.
    Kyunki ab nhi dikhungi ansuon ke saath main tumhe,
    Ab naa dekh paaoge tum rote hue mujhe.
    Kbhi rote hue nhi dekha hai tumne mujhe.
    ©khushboo71