• thedarkdameshaz 18w

    tumhare angan ki chehal,
    tumhare jeevan ki pehal,
    jiski chaati par rakh paer tum is duniya main aae,
    main woh jeevan janani hun

    Jisne ungli pakad chalna sikhaya,
    jisne pet kaat kar tumko khilaya,
    are jiske anchal ki chao ne sooraj ki tapish dabai,
    main woh palan karni hun

    jisne tumhari kalai par vishwas ka dhaga bandha,
    jiski rakhsha ka vachan tha tumne sadha!
    jisne maa ki parchai ban tumhe sambhala hai,
    main woh hi ladki hun

    jisko noch noch kar tumne khaya,
    jiske anchal par bhadda daag tumne lagaya,
    are thodi toh sharam kar lete usse be-aabroo karne se pehle!
    ke woh bhi toh ek ladki hai

    jin hathon se apne ghar k bachhon ko sehlate ho,
    kyun toot na gye woh haath tumhare,
    jab 8 saal ki bachhi ko barbaad kar rhe the,
    kese sans bhari tumne! jab us masoom ke pran nikal rahe the!

    ab news channel vivad kar rahe hain,
    desh k chalak videsh braman kar rahe hain,
    insaf ki moorat toh hai hi andhi...use jurm kahan dikhte hain,
    aur log toh bas tv ke channel hi badal rahe hain

    are mandir mazjit main baat dia insaan,
    ab insaniyat ko toh mat banto,
    jis ram k naam in darindon ki dhal ban rahe ho,
    us mariyada purushottam ka toh naam keechad main mat uchaalo

    aur jo maun hai iss barbadi par,
    btao kya seene main dil nahi rakhte?
    Asifa, kathua aur lakhon aur bachhiyon ki tasveer dekh kar,
    Kese rooh main angare nahi dehkte!

    kya kahun inka toh khoon nahi pani hai,
    Rajneeti aur hindutva ke beech dam todta insaaf toh purani kahani h,
    nahi hoga in netaon se aur kuch...bhashan ke sivaye,
    ab in rakshashon ki bali toh janta ko hi chadhani hai

    niklo ghar se bahar ye mulk ki safai karni hai,
    koi ankh utha na dekh sake gandgi bhari nazar se,
    inke seene main itni dehshat bharni hai,
    ab apne bachhon ki hifazat hume khud hi karni hai




    #justiceforasifa #justiceforkathua #justiceforeverygirl #justiceforindia #speakup! #breakthesilence #timesup #wakeup #itstimeforjustice #enough #nomeansno #protectthecountry #executethesuspects #insaaf

    No more silence! please! speak up! wake up!
    it's way past time.

    Read More

    are mandir mazjit main baat dia insaan,
    ab insaniyat ko toh mat banto,
    jis ram k naam in darindon ki dhal ban rahe ho,
    us mariyada purushottam ka toh naam keechad main mat uchaalo

    ©thedarkdameshaz