• binay2018 6w

    " ଜୀଇଁବାର ମାନେ "

    ଜୀଇଁବାର ମାନେ ଖାଲି ହସର ବଣିଜ କରିବା,
    ଆପଣାର ଲୁହ ପିଇ ଦୁନିଆରେ ସୁଖ ବାଣ୍ଟି
    ଅନ୍ୟର ପଣତ ଭରିବା,
    ଏଇ ହେବ ଆମ ଜୀବନ ହସି ହସି ଆମେ ଜୀଇଁବା ।

    ମେଘ ହୋଇ ଆମେ
    ଅନ୍ୟର ପାଇଁ ଝିପି ଝିପି ଯିବା ବରଷି,
    ଫୁଲ ହୋଇ ଆମେ ଅନ୍ୟର ପାଇଁ
    ମଧୁ ବାସ ଯିବା ପରଶି,
    ସେଇ ହେବ ଆମ ଜୀବନ,
    ଅନ୍ୟର ପାଇଁ ଜୀଇଁବା ।

    ଦୀପ ପରି ଆମେ ଜଳି ଏ ସଂସାରେ
    ଭରି ଦେଇ ଯିବା ଆଲୋକ,
    ମଳୟର ସାଥେ ବୋହି ଯିବା ଆମେ
    ପ୍ରଣୟ ରଙ୍ଗେ ଭରିଦେଇ କେତେ ପୁଲ୍ଲକ,
    ସରି ଯିବ ଆମ ଜୀବନ,
    ଏଇ ଦୁନିଆର ପାଇଁ ଜୀଇଁବା ।
    * ବିନୟ ମହାପାତ୍ର
    ©binay2018