• zkhannn 1w

    Aaj bazaar mei ek ajeeb sa manzar dekha
    Dekhta hun ke insaan khud ko hi baich raha hai
    Koi apna Imaan
    To koi apna Ikhlaas
    To koi apna ehsaas
    Koi apne khaloos ke bhao tai kar raha hai to
    Koi apni Imandari ache damo bechne mei kamayab ho gaya
    Kisi ne apni izzat khubsurti mei lapet ke bech di
    To kisi ne apne sach pe sale laga rakhi hai
    Or kisi ne chand sikon ke iwaz apni sharafat ka soda kiya

    Ajeeb hi manzar tha
    Or phir kiya dekhta hun
    Yahi shurfa ek mehfil mei ikhte ho ke
    Shehar mei tawaifon ko un ke bachon ke kharab hone
    Or
    Mahol mei behayai or besharmi ki ek wahid wajah karar dete hain




    ©zkhannn