• iaarunkashyap 13w

    "Maa - Happy Mother's Day"

    - Ghar ki sidiyon se utarte hue main achanak fisal kar gir pada, aur woh meri aawaz sun kar daudti hui aaj bhi mujhe uthane ke liye jor se bhaagi. Aur ek pal mein maano saare pal aankhon ke samne aa gaye, woh pal jo bachpan se aaj tak guzaare the maine, maa ke sath aur maa ke bina.
    Mere muh se pehla shabd aur meri pehli bhookh ko usne jaise apni aatma se pura kiya tha, pehla ehsaas bhi toh jaise usi ke liye mehsoos kiya tha. Apne kadmo par chalna seekhna usi ne sikhaya, aur ek wahi thi jisne khud se pehle mujhe khana khilaya.
    Waqt ke sath main kuch zyada hi chalne laga, aur chalte-chalte main maa se hu door chala gaya. Mujhe sulane ke liye aadhi raat bhi jaagi thi woh, aur aaj meri fikr me jaagna uski aadat aur meri khat-pat ban gayi hai. Mere ghar se door jaane par har waqt mere baare me socha karti thi, aur me apni soch mein bhi maa se door hi tha.
    Aaj mere girne par meri taraf uska daudna meri hi adaalat mein mere gunaah ka ehsaas tha, kitna bhi bhaago rishton ke peeche bas ek yahi rishta hai jo khud khudaah sa hai.

    "A tribute to my mother on mother's day"
    R.I.P. Mom :) ILoveYou ‚ô°
    ©iaarunkashyap