• laxman1234 15w

    ଯତି ବଚନ



    || ଯତି ବଚନ ||
    ଶ୍ରୀ ଲକ୍ଷ୍ମଣ କୁମାର ବେହେରା (ଯତି)

    ନଗ୍ରେ ନଗ୍ରେ ନରନାରୀ
    କାନ୍ଦୁଥିବେ ରାହା ଧରି
    ମୁଠେ ଅନ୍ନ ପାଇଁ ଯେ',
    ସୁନ୍ଦରୀ ଅବଳା ଦେଖି
    କାମନାର ଶର ଯୋଖି
    ପୁରୁଷେ ଧାଇଁବେ ଯେ' । ।। ୨୯ ।।

    ସୁନାମୀ ଝଡ ବତାସ
    ଭୂମିକମ୍ପ ସର୍ବନାଶ
    କଳିଯୁଗ ଅନ୍ତେ ଯେ',
    ପାଶ୍ଚାତ୍ଯ ଢାଞ୍ଚାରେ ସର୍ବେ
    ଆକର୍ଷିତ ଅତି ଗର୍ବେ
    ଜୀବେ ଜାଣି ଥାଅ ଯେ' । ।। ୩୦ ।।

    ଅଶ୍ଲୀଳ ଭାଷାକୁ ସର୍ବେ
    ହସିଣ ଆଦରୁ ଥିବେ
    ପାପୀକୁ ପୂଜିବେ ଯେ',
    ନ ମାନିବେ ବଡ ସାନ
    ପାପ ବଳେ ବଳୀୟାନ
    ଜୀବେ ଜାଣି ଥାଅ ଯେ' । ।। ୩୧ ।।

    ନ ଥିବ ବଣ ଜଙ୍ଗଲ
    ସବୁ ହେବ ସମତୁଲ
    ଚାରିଆଡେ କୋଠା ଯେ',
    ବିଜ୍ଞାନ ନାଶିବ ବିଶ୍ଵ
    ନାରଖାର ପରିବେଶ
    ଜୀବେ ଜାଣି ଥାଅ ଯେ' । ।। ୩୨ ।।

    ମଦକୁ ସର୍ବେ ଖୋଜିବେ
    ପାଣି ପରିକା ପିଇବେ
    ରଚେ କଳିଯୁଗ ଯେ',
    ପାଣି ପାଇଁ ହନ୍ତସନ୍ତ
    କଷ୍ଟେ ଜୀଇଁବ ଜଗତ
    ଜୀବେ ଜାଣି ଥାଅ ଯେ' । ।। ୩୩ ।।

    ଦ୍ବାପରେ ଦ୍ବାରିକା ନଗ୍ରେ
    କାଦମ୍ବରୀ ରସ ଭୋଗେ
    ଗଲେ ଯମ ଦେଶ ଯେ',
    କଳିଯୁଗେ କଳି ହସେ
    ମରିବେ ମହୁଲି ରସେ
    ଅତି ହିନସ୍ତାରେ ଯେ' । ।। ୩୪ ।।

    ଫୁଲ ବନେ ବାସଭରା
    ସ୍ମୃତିପଥ ଅପାସୋରା
    ସତ୍ଯ ପଥେ ଶାନ୍ତି ଯେ',
    ସୁନିଦ ସାଥୀ ସପନ
    ଦୁଇ ଦିନିଆ ଜୀବନ
    ଜୀବେ ଜାଣି ଥାଅ ଯେ' । ।। ୩୫ ।।

    ବିନୟ ବଚନ ବଳେ
    ଭବରଙ୍ଗ ଭୂମି ତଳେ
    ମହାନ ସାଜିବ ଯେ',
    ଘର ଭଙ୍ଗା ବୁଦ୍ଧି କଲେ
    ପାଣି ନ ମିଳିବ ମଲେ
    ଜୀବେ ଜାଣି ଥାଅ ଯେ' । ।। ୩୬ ।।

    କବି କୁଟୀର
    ଦଣ୍ଡାସିଂହା, ବାରକୋଟ
    ଦେବଗଡ (ଓଡିଶା)
    ମୋ- ୯୬୬୮୨୪୨୭୨୦


    ©laxman1234