• anmolpdwivedi 5w

    Mai hi hu

    Mai hu thoda alag,
    Sabse narazgi Rakhta hu,
    Mauka barabari ka du
    Par phir bhi gaali sunta hu,

    Galtiyo ke pitare par,
    Mere naam ke taale lagte hai
    Aksar mujhe chunauti dene waale
    Mu ke bal girte hai,
    Wafadaar nahi hu
    Par Dhyan Sabka rakhta hu
    Kaun kab kaisa tha
    Sara hisaab mai likhta hu,

    Mujhse tum koi baat chipa nahi sakte,
    Kyuki cheezo ko mai hi badalta hu,
    Upar waale ne toh sab likh kar rakh dia hai,
    Usme chedkhani aksar mai hi karta hu,
    Kuch bura ho tumhare saath toh kuch accha bhi hoga
    Bas yaad rakhna ki anmol mera wajood hai
    Mujhe Apnane par waqt Zaya na karna
    Jholi kitni bhi Bhar do
    Mujhe paane ki aas na rakhna

    Chalna hai toh mere saath chalo,
    Tumhara intezaar nahi karunga
    Galtiyo se seekh Lekar
    Raasta Assan banalo
    Warna jhatko ke haqdaar bante rahoge
    Mujhe tum waqt ke naam se Jante ho,
    nahi samj sakte ho na samj paaoge
    Kitni bhi Koshish Karlo mujhe ni pakadpaaoge

    ©anmolpdwivedi