• qaasid_e_dil 5w

    Ek kahaani aisi bhi...

    Aao ek kahaani sunati hu,
    Ek qissa gungunati hu, baat us waqt ki hai...
    Jab ye kambakhat ishq hua na tha,
    Jab uski rooh ne meri rooh ko chua na tha,
    Jab aankhein char na hui thi,
    Jab meri saasein uske lie bekraar na hui thi,
    Jab kuch baatein ankahi si thi,
    dil or dimag ki haalat bhi sahi thi,
    Vo chand se bhi pyara fasaana tha,
    Jab humare bich sirf dostana tha.
    Fir is pagalpan ke baadshah se mulaqat ho gayi,
    Or dekhte hi dekhte meri duniya aabad ho gayi,
    Lekin khushi kuch waqt ki hi mehmaan thi,
    Door ho gya vo shaks jisme basti meri jaan thi,
    Mere pyar ka usne mujhe acha sila diya,
    Mera khuda vahi tha or usne mujhe bhula diya...