• ridham_sharma 6w

    Hindi��

    Read More

    Kuch baarishen bhi ab thamne si lgi
    Kuch pattiyan bhi ab jhaddne si lgi
    Vo jo geeli-geeli ghaas thi, ab sookhne ko pdi
    Lehraati hawaa ab gumnaam hone lgi
    Kuch jaado toh hai in hawaon mai
    Na jaane kahan hai inka basera
    Le jaatin hain udaakar ab bas
    Aahon mai bharkar apna sawera
    Parinde pankh phad-phadate, ghonsle se pre ik nyi talaash mai
    Baadalon ke bhi oopar, kuch nyi oonchaiyan parakhne
    Anant se anant tak, isi beech hi toh basaa yeh sab
    Kuch jungle, kuch vaadiyan, toh smandar ki vo lehraayan
    Yeh ghar Jo hain khade, kahin inhi ki gathriyan
    Insaani jism bhi kahin, bas inhi ke darmiyan
    Vo roz ka ugta suraj, toh usse bidaai deta Chanda mama
    Taaron ki Chadar hai Kali, nit-nit nya ujaala
    Phir kalakaar dein Aakriti, inhi ko ik nyi
    Kuch rang bhare kagaz, ya kalam roobaroo hi
    Padti hai kaanon Mai ghungaruon ki aawaaz madhur
    'ta-thyi-ta' ke swar, us table ki sargam par
    Ae zindagi, ajeeb hai tu, ajeeb hain teri gehraaiyan
    Sab susheel, sab shaant, phir bhi na jaane
    Aahat hai kuch mehsoos krta man
    Koyal ki ku-ku Mai, kuch toh chipaaye rakhi hai tu
    Apne kuch raaz kahin toh bachaye rakhi hai tu
    Tatolti hun bohot, kabhi khud ke andar bhi
    Us khaalipan se darkar, nikal padti hun phir doosron pe hi
    Aansoo hote hain na yeh jo, shayad yhi khol dein ab tera khazana
    Kuch toh kehte hain ye bhi, bas mujhe ab tak padhna nhi aata
    Seekh jaaungi dheere dheere jeene ke taur-treeke tere
    Tere kadmon se mila loongi phir se ab kadam mere
    Par kisse pata Kabhi koi chook tujhse bhi ho jaaye
    Apni hi raah ke gaddhe bhool jaaye
    Ik pal tu bhi ghabraakar,
    Apne vo raaz khud hi bataa jaaye..?