• ever_wanderin 12w

    Tum
    Kaun ho tum?
    Meri har khwahish
    Meri takat
    Meri kamzori ho tum
    Gulab ko jo poora kare
    Woh mehek ho tum
    Sard ki barf mein
    Madham loh se jo dheemi si ek anch mehsoos ho
    Uss anch ka sukoon ho tum
    Baarish jo ek zindagi bikher jaaye
    Uss zindagi ki dhadkan ho tum
    Jo ek madhur si sangeet
    Dil ko chu jaaye
    Uss sangeet ki taal ho tum
    Maasum ki muskaan ho tum
    Samundar ki woh Shanti
    Aur uski aseemit gehrai ho tum
    Halka sa ek nasha
    Jo sannate ko bhi dhun bana de
    Aisi dilkhush ada ho tum
    Kya kahu kya ho tum
    Mano jaise
    Duniya ke Har ehsaas ka
    Saar ho tum
    Tum
    Kaun ho tum
    Meri jaan ho tum...