• anjalithakur 25w

    Adhuri hai kahani,pura karne ki koshish me hu
    Vo rutha hai mujhse,manaane ki koshish mein hu

    Kehti nahi hu Mohabbat bhari hai dil me
    Baat itni si use smjhane ki koshish mein hu

    Vo jo nakhre dikhata bin baat pe itraata hai
    Usi ko apna hamsafar bnane ki koshish mein hu

    Ek arsa bitaya hai mene dukho me jeete jeete
    Ab thoda muskurane ki koshish me hu

    Vo jindagi ka hissa nahi jindgi hi h meri
    Kisi bahane use yeh baat btane ki koshish mein hu

    Ek umar gujari hai in ghane andhero me mene
    Ab inse picha chhudane ki koshish mein hu

    Apno tak se dhoke khaye fir bhi smbhli nahi
    Kisi bewafa se phir wafa nibhane ki koshish mein hu

    Mohabbat ka yeh kesa fitoor swaar hai sar pe mere
    Ik sitamgar ko dilbar bnane ki koshish mein hu.
    ©anjalithakur