• flawedsoul 5w

    || Kuch jaana, kuch anjaana ||

    Saalon baad, uss raste se aaj guzri thi main.
    Jaana pehchaana toh tha sab kuch, phir bhi kuch anjaana sa tha.
    Kuch yaadein juri thi uss raste se, jo kabhi manzil tak nahi pohoch payi.

    Dukh toh hota hain, par khush bhi hu.
    Aur khush isliye, kyunki tum ab aur bhi zyaada muskurane lage the uske saath.
    Aur tumhe dekh kar, main bhi muskura leti hu.

    Jaana pehchaana sa rasta, aaj anjaana sa laga mujhe.
    Aur jawab, mere paas nahi hain.
    Har sawaal ka jawaab hota toh hain,
    Par kabhi kabhi jawaab ka na milna hi behtar hain....




    ©flawedsoul