• mind_echos 6w

    Lamha lamha yaad karu to lamhon me teri yaadein...
    baaton me jo baat karu to baat baat me teri baatein...

    Har dastak pe dilme dastak, teri dastak aaj hui to,
    tanha tanha lamhe saare, tanhaai me teri yaadein...

    Jhapak jhapak kar palkein teri jhuk kar jab wo haa mein jhapki,
    teri hi palkon se dekhe, khwaab the humne kitne saare...

    Has haskar jab hasi to tu, muskaan teri wo kitni haseen thi...
    dekh kar tujhko mai bhi hairaan, rab ne ki ye kya karamatein...

    Dheere dheere chaha maine, dheere se hi paaya tujhko,
    juda hue jo dheere dheere jal jal kar beeti saari raatein...

    Lamha lamha yaad karu to lamho me teri baatein...
    baaton me jo baat karu to baat baat me teri baatein...

    ©Burhan_121