• khushboo71 12w

    Haa Pyaar Hai Mujhe

    Teri galli se guzrte hue ek hawa ke jhoke ne mere maathe pe meri jhulfo ko yu lehraya,
    Ki tere hone ka ehsaas mujhe sataya.
    Do pal ko main thehar gyi,
    Phr gaur kiya ki kahin teri nazare toh nhi padhi.
    Unn jhulfo par jo bdi ajeez thi kbhi tumhe.
    Meri jhulfo ka bina izajat bikharna,
    Phr mera unhe sulzahana kbhi pasand nhi tha tumhe.
    Kyunki main bikhri hi toh achi thi tumhari nazron me,
    Ek bikhre shabdo ki jhalli si bikhre baalon me khud ko
    samtne me apna din guzarne waali beparwah ladki.
    Napasand tha mujhe tera bina wajah bataye phone rakhna,
    Kyunki din bhar issi pal ka intezaar hota tha mujhe,
    Jab tumse baat ho aur meri bachkaani baaten sun kr, Tum ye naa bolo ki kab bdi hogi tum,
    Kyunki bikhri hui hi toh pasand thi main tumhe.
    Har sawaal me mera laakh baar bigad jana aur phir wahi sawaal dohrana.
    Kyunki sabki pareshaniyon ka hal tha mere paas,
    Sirf khudki uljhano ko naa samjh paane ka hunar hi, to tha mere paas.
    Waqt bewaqt teri yaadon ka mere dil ke darwaaze pe khatkhatana,
    Aur bina kuch kahe mud jana kabhi samjh nhi aaya mujhe.
    Kyunki dil ke mamle me thodi kachi hi thi main.
    Daatne ka haq jatana bakhubi aata tha mujhe bas kbhi khul ke pyaar jatana nhi sikha.
    Darti thi kai maltaba izhaar krne se ki haa pyaar hai mujhe teri har harqat se.
    Tera yuhi khud ke baalon me haanth pherna phir ladkiyon ko hasana.
    Shuruaat me badi ulzaan hoti thi ye dekh ke ki kaise koi ekk saath sabse pyaar kar sakta hai.
    Par jab mere dar pe tera pyaar aaya to naa chahte hue bhi maine ikraar kr dia,
    Haa pyaar hai mujhe.
    Aur aaj dekho tumhari galli se guzarte hue bhi tera, ehsaas ab tak meri rooh me iss kadar samaya ki, chaah kr bhi main bhul nhi paaungi har wo pal jo hamare bich ho kar bhi naa tha.
    Ab kisi se bhi ye bol pana aasan nhi hai mere liye
    ki
    Haa pyaar hai mujhe.
    Kyunki pehle pyaar ne kai jakhm de diye hai jinhe bharne me sadiyaan guzarna bhi kam hai.
    Aaj bhi aankh mundti hu toh tera chehra samne aa jata hai aur mere hontho se ye lafz nikal padte hai.
    Haa pyaar hai mujhe,
    Bas tujhse nhi khudse.
    Haa pyaar hai mujhe,
    Bas tumse nhi khudse.
    Haa pyaar hai mujhe.
    ©khushboo71