• jagdeesh_patel 2w

    Kaagzi ho gaye aaj pyar ke kisse
    Pyar me yaar ke wo intezaar ke kisse,
    Labon pe zindagi bhar saath ki baate to hain,
    Haath aate hain magar bas mazaar se kisse.

    Kon bhala jaanega us ek dil ka haal sanam,
    Jo has ke bana le deewar se kisse,
    Dekh ghere hai ese teri berukhi ki hawa,
    Aaj beemar se hain us bahaar ke kisse.

    Hume sher se shayar bana ke chhoda hai,
    Ese sar chad ke bolte hain yaar ke kisse,
    Humne chaha tha tujhe dil ka haal bol hi den,
    Ho gaye tujhko dekh kar faraar se kisse.




    ©jagdeesh_patel