• littledoodle 14w

    Child abuse!!

    Masoom bacha mujhko tum kehte ho
    Fir Meri hi masoomiyat mujhse tum Kyu cheen lete ho?
    Woh bachpan, jahaa azaad Hawa aur khula aasman Mera hai.
    Kyu kaam esa karr jaate ho, ki sab azaad palo ko chorr..
    Andhere me khudko band karna padta hai mujhko..


    Woh jo jinko sab kehte hai, dur k Bhai,chacha,mama,Tau hain mere...
    Ghar aatei bohot saari toffee chocolate laate hai..
    Fir pyaar mujhko kar yun bulaakar apni godh me baithakar...
    Woh toffee chocolate dekar, kuch ajeeb sa sehlaate hai..
    Pyaar toh papa bhi karte hai, par unka pyaar karna dehlaata nhii mujhko..


    Fir jab bhi woh kabhi dikhai padte hai kabhi aate jaate..
    Mummy ka aanchal thaam chupa leta hu khud ko..
    Darrta hu bataane se kisii ko bhi.. kya hota hai mere sath..
    Bacha hu!! Kaha samajh itni ki, chupna mujhe nhi...
    Kaam galat Mera nahi, kaam unn darawane logo ka hai..


    Fir kabhi sehem kisi ko bol bhi deta toh!!
    "Shshhhhh!! Esa nhii, tumhe pyaar krte hao woh,itne bade hai itnii cheeze laate hai..bol mat dena kisii aur ko."
    Esa bol mujhe chup Kar jaatein hai..
    Fir chup ho Kar mein..darr k maare khud ko akela kar deta hu...


    Hadd paar tab ho jaati hai, jab koi meri masoomiyat bhool...
    Saari hadein paar kar deta hai.. Ghar me akela samajh..
    Mujhe apni hawas me jakad, cheekhon aur khoon me mujhe adhmara kar deta hai..
    Esa Kar Kyu use apne bacho ka khayal nhi aata..agar unka nhii..
    Toh Kyu use apna bachpan yaad nhii aata.. agar esa koi uske sath Kiya hota?


    Jab baat yaha tak pohoch jaati hai.. fir maloom sabko padti hai...
    Uske baad bass me kisii ke kuch hota nahi...
    Rehjaati hai toh bas baatein, afsos aur mere liye haaye tauba..
    Par Mera bhi toh socho, mere liye kuch nhi bachta..
    Bas rehjaata hai toh mujhse cheene gye woh 'masoomiyat bhare bachpan' me ka Zindagi bhar ka malaal..