• roohofficials 34w

    "ਬੱਦਲ ਜੀ"

    ਧਰਤੀ ਵੀ ਸਾਰੀ ਸੁੱਕ ਜਾਣੀ,
    ਜ਼ਿੰਦਗੀ ਏਥੋਂ ਮੁੱਕ ਜਾਣੀ ।
    ਸਮੁੰਦਰ ਬਾਕੀ ਰਹਿਣਗੇ,
    ਫਿਰ ਗਰਦਨ ਤੇਰੀ ਝੁਕ ਜਾਣੀ ।
    ਧਰਤੀ ਦੀ ਛਾਤੀ ਹੋਜੂ ਖਾਲੀ,
    ਫਿਰ ਜੀਣ ਨੂੰ ਤਰਸੋਗੇ ।
    ਜਦ ਪਾਣੀ ਰਿਹਾ ਨਾ ਪੀਣ ਨੂੰ,
    ਬੱਦਲ ਜੀ ਕਿੱਥੋਂ ਬਰਸੋਗੇ ?

    ਸਭ ਬੱਚੇ ਬੁੱਢੇ ਮਰ ਜਾਣੇ,
    ਸਭ ਪੱਤੇ-ਪੁੱਤੇ ਝੜ੍ਹ ਜਾਣੇ ।
    ਰੁੱਖ ਵੱਢ ਕੇ ਕਰਨ ਕਮਾਈਆਂ ਜੋ,
    ਉਨ੍ਹਾਂ ਦੇ ਕੰਮ ਵੀ ਖੜ੍ਹ ਜਾਣੇ ।
    ਜਦ ਹਵਾ ਨੇ ਬਣ ਜ਼ਹਿਰ ਜਾਣਾ,
    ਕਿਸ ਉੱਤੇ ਭੜਕੋਗੇ ।
    ਜਦ ਪਾਣੀ ਰਿਹਾ ਨਾ ਪੀਣ ਨੂੰ,
    ਬੱਦਲ ਜੀ ਕਿੱਥੋਂ ਬਰਸੋਗੇ ?

    ਰੁੱਖ ਵੱਢੋ ਨਾ, ਸਗੋਂ ਲਗਾਓ,
    ਜਾਨਵਰ ਮਾਰ - ਮਾਰ ਨਾਂ ਖਾਓ |
    ਪੈਦਲ ਚੱਲ ਕੇ ਉਮਰ ਵਧਾਓ,
    ਏਹ ਗੱਲ ਬੱਚਿਆਂ ਨੂੰ ਸਮਝਾਓ |
    ਜਦ ਧਰਤੀ ਹੋਊ ਤਬਾਹ,
    ਕਿਸ ਗੱਲ ਤੇ ਮੜਕੋਗੇ |
    ਜਦ ਪਾਣੀ ਰਿਹਾ ਨਾ ਪੀਣ ਨੂੰ,
    ਬੱਦਲ ਜੀ ਕਿੱਥੋਂ ਬਰਸੋਗੇ ?

    ਹੈ ਵਕਤ ਜੇ ਹੋਸ਼ ਸੰਭਾਲ਼ੋ,
    ਧਰਤੀ ਵੀ ਮਾਂ ਹੈ, ਇਹਨੂੰ ਬਚਾ ਲੋ ।
    ਪਾਣੀ ਨਾ ਡੋਲ੍ਹੋ, ਰੁੱਖ ਲਗਾ ਲੋ,
    ਇਨਸਾਨ ਬਣੋ ਤੇ ਰੋਟੀ ਖਾ ਲੋ ।
    ਰਸਾਇਣਕ ਖਾਦਾਂ ਨੂੰ ਨਾ ਵਰਤੋ,
    "ਰੂਹ" ਨਹੀ ਤਾਂ ਗਰਕੋਗੇ ।
    ਜਦ ਪਾਣੀ ਰਿਹਾ ਨਾ ਪੀਣ ਨੂੰ,
    ਬੱਦਲ ਜੀ ਕਿੱਥੋਂ ਬਰਸੋਗੇ ?

    - ਰੂਹ