• abhilashi0414 15w

    दिल की धड़कन

    Dil ki dhadkan hai, khyaalon mein mere rehta hai
    Kaun hai wo, jo swaalon mein mere rehta hai

    Jis ka dekha na chehra us se wafa karti hoon
    Dil ke aaine mein , main us se mila karti hoon

    Main nahin jaanti yeh kis ki talab hai mujh ko
    Kis ka armaan iraadon mein mere rehtey hai

    Khwaab hai wo mera, haqiqat banaoon kaise
    Apni hasrat ko mein, taqdeer banaoon kaise

    Mujh ko milta hai sukoon, us ka tasabur kar ke
    Wo ishara jo isharon mein mere rehta hai

    Kis ki tareef mein likhi yeh ghazal kya janu
    Kis ko kehti hoon mohabbat ka junoon kya janu

    Main to bas ek hi umeed mein rehti hoon sadaa
    Us ko dekhoon jo nazron mein meri rehta hai
    ©abhilashi0414