• sahalmajid 22w

    #Sahalghazals @in_shaa @writersnetwork @haya_1410
    "#ZAMEEM"
    Every Ghazal writer composes Ghazals in a specific scheme of meter, refrain and rhyme-which is set in the introducing couplet and inevitably followed in all the proceeding couplets-These constitute the "zameen" of the Ghazals, the analogy alludes to "zameen",as in land in which seeds are cultivated and ultimately produce is born, just like the poet-who works hard in expressing feelings in a strict lyrical manner and ultimately the fruit, i,e the couplet is produced.
    Many admirers and contemporary poets try their hand in composing ghazals in "zameen" of other poets.
    Ahmad Faraz -one of the greatest urdu poets of the 21st century composed this ghazal (in caption), I have tried my hand in composing a few verses in his"zameen", I have obivioiusly fallen short of maintaining the stature of this ghazal, but nonetheless it is my first in Udru, and my tribute to one of my fav poets.

    P.S: Open to corrections and suggestions...

    "Abhī kuchh aur karishme ġhazal ke dekhte haiñ
    'Farāz' ab zarā lahja badal ke dekhte haiñ

    Judā.iyāñ to muqaddar haiñ phir bhī jān-e-safar
    Kuchh aur duur zarā saath chal ke dekhte haiñ

    Rah-e-vafā meñ harīf-e-ḳhirām koī to ho
    so apne aap se aage nikal ke dekhte haiñ

    Tū sāmne hai to phir kyuuñ yaqīñ nahīñ aatā
    Ye baar baar jo āñkhoñ ko mal ke dekhte haiñ

    Ye kaun log haiñ maujūd terī mahfil meñ
    Jo lālachoñ se tujhe mujh ko jal ke dekhte haiñ

    Ye qurb kyā hai ki yak-jāñ hue na duur rahe
    Hazār ek hī qālib meñ Dhal ke dekhte haiñ

    Na tujh ko maat huī hai na mujh ko maat huī
    So ab ke donoñ hī chāleñ badal ke dekhte haiñ

    Ye kaun hai sar-e-sāhil ki Dūbne vaale
    Samundaroñ kī tahoñ se uchhal ke dekhte haiñ

    Abhī talak to na kundan hue na raakh hue
    Ham apnī aag meñ har roz jal ke dekhte haiñ

    Bahut dinoñ se nahīñ hai kuchh us kī ḳhair ḳhabar
    Chalo 'farāz' kū-e-yār chal ke dekhte haiñ
    (Ahmad Faraz)

    Read More

    GHAZAL

    Woh kaam, jo ik farishte ke zimme hai bas ik baar,
    Wohi kaam, yeh insaan har roz karke dekhte hain

    Kaun hai masoom, aur kaun gunehgaar
    Abke tuhmat-e-Ishq badal ke dekhte hain

    Chalo choodo, jaane do, bhula do us jafaa ko!
    Tum badal ke dekho, hum badal ke dekhte hain!

    Woh bacphan ka qurb, aur yeh jawaani ki dooriyan, ae dost!
    Kyun na ik baar, zamane badal ke dekhte hain

    Yeh tujse mohabbat thi, yaa faqat paane ka junoon?
    Tu mil chuka hai, phir kyun chehre badal ke dekhte hain

    Qaid-e-junnon-e-ishq hai jin ka muqaddar, woh deewnae
    Dar-e-zindan-e-zeest se baahar nikal ke dekhte hain

    Woh butt qada-e-sanam, ke hain be jaan yun ki bas
    Garmiye hasrat-e-nakaam, se pighal ke dekhte hain

    Qaraar payein ya na payein, shifa mile ya na mile
    Ki zehr ba dast-e-janaan, nighal ke dekhte hain

    Woh Ka'baa hai, na tum namaazi ho Sahal,
    Jo nibhaye na jaye, wo marasim badal ke dekhte hain
    ©sahalmajid