• my_unicorn_life 10w

    Maa..Paa..❤

    Duniya ke sabse khoobsurat heere hai
    Maa aur Paa..
    Bhagwan ka dusra roop hai
    Maa aur Paa..
    Kismat valo ko milte hai
    Maa aur Paa..
    Shayad tumhare kuch ache karmo ka fal hai
    Maa or Paa..

    Jis Maa ne tumhe janam diya..
    Nau mahine apni khokh mein rakha..
    Khudse bhi jyada tumhe pyar kiya..
    Aaj ussi maa ko lawaris chod diya..
    Aaj ussi pe itna atyachar kar diya..

    Jis pita ne hath pakadkar chalna sikhaya..
    Kandhe pe baithakar har jagah ghumaya..
    Zindagi ka har sukh diya..
    Aaj ussi pita se tumne sab chinn liya..

    Kya khoob saha hoga unn Maa Paa ne
    Tumhare liye..
    Kya khoob mannate maangi hongi
    Tumhe paane ke liye..
    Kon jaane kitne sapne sajaye honge
    Tumhare liye..

    Firr kyu??
    Kyu unpe aise julm karte ho??
    Kyu unko khudse durr rakhte ho??
    Kyu unko Tirth sathano pe akela chod aate ho??
    Kyu itne pyare Maa Paa ko rulate ho??

    Kabhi socha hai??
    Har pal tumhari yaad meim marte honge..
    Har dafa tumhara intezaar karte honge..
    Khud ko kaise na kaise tasalli dete honge..
    Tumhare laut aane ki raah takte honge..

    Mat tarsao yaar unn Maa Paa ko itna..
    Unke seene mein bhi dil dhadakta hai..

    Mat maaro unn Maa Paa ko bhookha..
    Kyuki Do vakt ki roti toh khuda bhi naseeb karta hai..

    Faisla khudrat ka aana abhi baaki hai..
    Budhapa Tumhara bhi aana abhi baaki hain..

    Aasani se dekh jate ho na aansoo unn Maa Paa ke..
    Tumhari aankhon ko bhi behna abhi baaki hai..

    Gunah tumhare fir se benakaab honge..
    Maa Paa ke har aansoo ke bhi hissab honge..

    Apni galti tumhe bhi uss din najar aayegi..
    Jab issi tarah aulad tumhari tumhe rulayegi..
    Jab issi tarah aulad tumhari tumhe rulayegi..

    Abhi bhi vakt hai maanglo maafi unn Maa Paa se..
    Kar denge maaf tumhe dil aur jaan se..
    Kar denge maaf tumhe dil aur jaan se..



    Anjali❤




    ©my_unicorn_life