• vivek_jhawar 5w

    Kal ke swaal kal se

    Sunna hai wo aagaya hai............kon?
    Wo pal kehlo ya kehlo wo kal
    Jiska hum besabree se intezaar karahe the
    Ya jiske liye hum chinta ya fikr me marrahe the

    Par Sunna hai.....kya ?
    Wo akela nahi aaya ......Matlab?

    Wo apne saath hai kisiko laaya....kisko?
    Bahut se swaalat aur ilzamat ko....par kyu?

    Sunna hai swaal bahut hai uske pass
    Ilzaam bahut hai uske pass
    Par katghare me khada mujrim sirf ek hai...kon?

    Pata hai kon....kal humara beeta hua kal
    Aur swaal pata hai kya.............kya?

    Ki kyu tune apne aap ko dhang se nahi jeeya?
    Kyu tu galti Karke theher gaya?
    Kyu tu galti se Kuch sikh nahi paaya?
    Kyu tu meri fikr me raha ?
    Kyu tu piche mudke dekhta raha?
    kyu tu chah karbhi aage bad na paaya?

    Bata?.....Jawab hai tere pass ...Bata?

    Beeta hua Kal khamosh hoke sunta raha , chup raha
    Shayd jawab Nahi tha uske pass
    Ya shayd wo hairan tha

    Ki jiske liye wo humesha se pareshan tha
    Aaj wahi uspe swaal khade karraha hai
    Aaj wahi use swaalo ke katghare me khada karraha hai

    Soch raha tha kash me aane wale kal ki fikr me na rehta
    Kash me har pal ko khul ke jeeta
    Kash main Galti se sikh kar aage bada hota
    To shayd me aaj in swaalo ke katghare me to na khada hota......kassshhhh

    Par afsos wo kash kash hi rehgaya
    Kyunki wo pal jisko jeena tha wo to Ret ki Tarah haatho se fisal gaya
    ©vivek_jhawar