Sa gibang bahay
Napapalibutan ng mga agiw
Ang mga sapot ay isang dangkal
ang taas
Ang patak ng ulan ay umaabot sa kabuhuan
Ang dilim ay higit sa isang lamparang ang liwanag ay hinihipan ng hangin
Salat sa lahat gaano man itago sa dilim at liwanag
Sa tagpi-tagping mga yero
Sa punit punit na kulambo
Sa maiksing kumot
Sa karton na tumatagos ang lamig
Sa yagit na mukha
Sa pulubing mga pilak
Sa bahaw na tunog ng lata
Sa mga matang kay lalim
Sa kumukalam na sikmura
Paulit ulit na saliw ng anino sa
dukhang pag-asa
Papaano ba maabot ang isang dipang langit
©lanzhan