• jahnavi01 10w

    Aawaz!

    Shabdon ki uljhano se suljhati yhe ek kahani hai,
    Chupi se lekar betuki baaton se bhari hai,
    Do alag manzilon ki, do alag rahon ki yhe pehchan si hai,
    Kahani kuch aesi hai,
    Ki Shuru hoti yhe uss roohani aawaz se hai,
    Har alfaaz lagta jese koi afsoon sa hai,
    Dil bass vanhi rukna chahta hai,
    Na jaane kyu aage badhne se abhi ikrata hai,
    Thoda sambhalta hai
    ki tabhi, ki bass thabhi!
    Vohi purana riwaaz fir apne aap ko dohra jata hai,
    Ek naya din bhi aata hai,
    Magar kitab ka voh khali kagaz fir khud ko ussi kahani me dhaal leta hai,
    Uss noor bhari aawaz ka sukoon shayad mann ko bhaa sa gaya hai,
    Abhi yhe dil sachai jaankar bhi anjaan sa hai,
    Janta hai ki Kisi roz toh khatam hogi yhe kahani,
    Lekin filhal abhi uss vakt ko aane me thodi der si hai,
    Tab tak jo hai, jesa hai bass vanhi thehar jana hai hai,
    Jazbaaton ko na rokna hai, na sambhalna hai,
    Dil ki har saazish ka hissedar ban na hai,
    Har dhadkan par pura itebaar karna hai,
    Uss roohani aawaz se hi iss kahani ka saaransh hai,
    Mere kuch khubsoorat lamhon ka voh abb ek raaz hai!

    ©jahnavi01