• wild_aish 6w

    Jeene ka dhang hee maano kuch alag tha uska. Ek mahine se bhi kam samay mei aise atoot se naate mei baandh ke chala gaya hum sabko. Apni ab tak ki puri jindagi mei social media par koi aisa nhi dekha jiske saath maano aisa lagta tha jaise pichle janmo se rishta raha ho. Ye app kholne ka ek hee maksad: joker ka post notification. Addict karke rakha tha usne hum sabko apne pyaar se. Wo najakat, wo intellect, wo innocence, wo khayal, uske vichaar, shayad hee bhi phir kabhi kahin dekhne ko milenge. //Apne aap mei hee ek revolution tha wo banda//
    Bohot kuch kar sakta tha. Bohot kuch karna chahta tha.
    Sabko hasaya, bohot kuch sikhaya, sabse important ...Jeena sikhaya.
    Kal raat ki hee baat hai, maine bola usko,
    "The one thing that I love and respect the most about you is that, You're not a cliché Joe. Kuch alag hee originality hai tumme"
    Saalene thanks tak nhi bola, par uspe chahkar bhi koi gussa nahi kar sakta.
    Na jane kya tha, kyun tha, humari jindagi mei kyun aya, aise achanak kyun gaya lekin inn saare sawalon ka usi ki bhasha mei jawab dena ho to mei kahungi,
    "jo hota hai, acche ke liye hee hai hota"
    Hum sabko ek parivaar banake chala gaya.
    Itni kam umr mei, itne kam samay mei, dil jeet ke chala gaya. Kisine sach hee kaha hai, "makhsare se kabhi dil na lagana" aur hum sab wahi galti kar baithe.
    Mei to paagal, pyaar karne lag gayi thi. Kabhi izhaar nhi kiya, lekin kabhi karne ki zarurat bhi mehsoos nhi hui. Kyunki wo joker tha, bin kahe sab samjh leta tha. Merko yaad nhi tha when was the last time that I laughed until I crossed paths with joker. Din mei ek baar bhi usse baat na karun to din, din jaisa lagta hee nhi tha. Ajeeb si bechaini lagi rehti thi. Kuch aisa effect tha uska, ki sara din dimag mei sirf "joker" chalta rehta tha. Raat mei sone se pehle chehre pe ek muskan rehti thi. Reason? -Joker. Troublemaker, aish, waish, choti shaitan, chamki aur na jane kya kya naam rakhe the.

    Kisi din milne ka tha. Kaske gale lagane ka tha. Aur dil se "thanks" bolne ka tha, kaafi saaare sawalon ka jawab puchna tha--

    //जो सबको हसाता था, किसी दिन उसको हसते देखने का था।//

    Khaer. Har picture ka the end ata hai. Kuch aise hee climax par khatm ho jaate hain, aur hum sab sequel ka intezaar karte rehte hain. Magr iss picture ka koi sequel nhi ayega doston, kyun ki hero hee nhi rha tha to picture kaisi?
    Aaj mera baghwan pe jo bhi kuch thoda bohot vishwaas tha wo sab toot gaya. Pehli baar "my heart sank" iss line ka asli matlab pata chala. Pehli baar "shattered" ka meaning feel hua. Pehli baar online ka dil, offline toota hai.
    Ab shayad hee kabhi aisa pyaar hoga.

    Roz kehta tha, kal raat bhi kaha, "make yourself proud Saisha. I'm already tho" pata nhi iss dumbass mei usko kya dikhta tha lekin humesha kehta tha I'm proud of you.

    Ye app mere liye kaafi addictive ho gaya tha. Shayad wo ye jaan gaya, isliye usne ye sara addiction hee mita diya. Kal tak ye jagah jo ghar lagti thi, aaj khandhar lagti hai.


    Isliye hum bhi jaa rahe hain doston, waise bhi kuch likh nahi paati in dino, aur lagta nhi aajke baad kuch likh paungi.
    Abhi mera sirf ek hee focus- padhai.
    Kyunki jaate jaate ek mahaan insaan ek kaam sopkar gaya hai. Kehke gaya hai khoop padhai karna. Maa ke baad agar iss puri duniya mei koi meri padhai ki fikr rakhta tha to wo Joker.
    Kabhi apne liye nahi ki, lekin ab uske liye to karungi. Ab mei phirse wo pehle waali hasmukh Saisha banungi. Kyunki Joe kehta tha I look good when happy.
    Roz rotlu si shakal banayi rehti thi. Lekin abse hasungi. Keher tutne do, kayamat aa jaye, lekin mei hasungi. Maut aa jaye, lekin mei hasungi.Kyunki jokerne humesha wahi sikhaya hai.
    Kuch posts, kuch chats, aur uska bataya ek gana- saajni bas yahi sab bacha hai. Isi ko padkar-sunkar baar baar wo pal jiya karungi.


    Meri mirakee journey chaand se shuru hui, taare par akar khatam.
    Bada anokha safar raha. Aap sabka bohot pyaar aur khoob support mila. Dil se shukriya.

    [Account delete nhi karungi, shayad kisi din wapis aa jaaun. Aish signing off, take care y'all amazing people :) ]

    Yaad rakhna, wo hum sabko jod ke gaya hai, hume iss parivar ko todna nahi hai. Kabhi nahi. Hum Joker ki legacy ko jinda rakhenge.
    @colourfulgreys @lovethatneverfades @bouncy @sunenasharma @the_speccy_outsider

    Hats off to you Joker.
    Hum tere fan the. Hain. Aur humesha rahenge.
    (jidhar kidhar bhi hai, kabhi fursat mile to padh lena)
    Also, mera roast abhi baaki hai- bhuli nahi hun mei, aur ye pata hote hue bhi ke ye post notification kabhi nahi ayega, phir bhi iski ummid mei jiungi.

    ©Jwala
    (ussi ka diya hua ek naam)

    Read More

    I love you Joker.
    And I shall always.


    "Joker created a group"
    "Joker added You"
    "Joker added 'all mirakeeans' "
    .
    .
    .
    "Joker left"