• caffeine 17w

    Kya kahu me? "iss berehem bartav ke liye maafi?"
    Na. Iss qudrat ke liye hum insano ki jarurat nahi. Aap hi ho kaafi!

    Iss tufaan se, aapki naraazgi beshaq dikh rahi hai,
    Aapke karishme ke aage humari aukat hi nahi hai!

    Vo maasoom jaanwar ma thi, aankhon me uske ummeed thi,
    Aisi paidaisho ne saabit kar diya ki insaniyat hoti hi nahi!

    Maafi kis muh se mangu, jab me bhi ek insan hi hu,
    Ghin aati hai insano se, par qudrat ki banawat me bhi hu!

    Mera manna hai jis qudrat ki qadar na karnewalo ne chod diya hath,
    Ajoobe dekhne ke liye bekaraar insano, ko le jaa apne saath!

    Bas shukriya kahungi aapki banayi duniya ka,
    Maafi mangne ke layak nai, bas ye likhawat usi ka ek zariya tha!

    Read More

    Maafi ke layak hum nahi!
    ©caffeine