• laxman1234 22w

    ବାରମାସୀ



    ବାରମାସୀ

    ଶ୍ରୀ ଲକ୍ଷ୍ମଣ କୁମାର ବେହେରା (ଯତି)

    ଗଞ୍ଜାମ ଜିଲ୍ଲାର ଯଶ
    ଯେ' ଶୁଣେ ହୁଏ ହରଷ
    ସୁନ୍ଦର ବନାନୀ
    ନିଏ ମନ ଜିଣି
    ଦେଖିଣ ସରବେ ତୋଷ ଲୋ
    ମିତଣୀ ଶୁଣ ଲୋ । ।। ୦୧ ।।

    ଖଲ୍ଲିକୋଟ ଗଡ ପାଶେ
    ନିର୍ମଳ ଝର ଯେ' ହସେ
    ଶତ ଶତ ଜନ
    ଦେଖିଣ ଉଚ୍ଛନ୍ନ
    ଗୁଣ ଗାନ୍ତି ବାରମାସେ ଲୋ
    ମିତଣୀ ଶୁଣ ଲୋ । ।। ୦୨ ।।

    ନିର୍ମଳ ଝରର ଶୋଭା
    ଦେଖି ମନ ହୁଏ ଲୋଭା
    ଚଉପାଶ ତାର
    ଆହା କି ସୁନ୍ଦର
    ସ୍ମୃତି ରହିଛି ଅଲିଭା ଲୋ
    ମିତଣୀ ଶୁଣ ଲୋ । ।। ୦୩ ।।

    ଝର ଜଳ କଲେ ପାନ
    ଲାଗେ ଅମୃତ ସମାନ
    ସେ ଜଳରେ ସ୍ନାନ
    ଯେ' କରଇ ଜାଣ
    ଧନ୍ଯ ହୁଏ ତା' ପରାଣ ଲୋ
    ମିତଣୀ ଶୁଣ ଲୋ । ।। ୦୪ ।।

    ତପନ କିରଣ ପାଇ
    ଚଉଦିଗ ଝଲକଇ
    ନାନା ପକ୍ଷୀ ସ୍ବନ
    ଶୁଣି ପୂତ କର୍ଣ୍ଣ
    ସୃଷ୍ଟି ଗୀତ ଯା'ନ୍ତି ଗାଇ ଲୋ
    ମିତଣୀ ଶୁଣ ଲୋ । ।। ୦୫ ।।

    ମଧୁ ପାଇଁ ଫୁଲେ ଫୁଲେ
    ଷଟପଦ ଘୁରି ବୁଲେ
    ରଙ୍ଗ ପ୍ରଜାପତି
    କରୁଥାନ୍ତି ରତି
    କେ' ସରି ତାଙ୍କରି ତୁଲେ ଲୋ
    ମିତଣୀ ଶୁଣ ଲୋ । ।। ୦୬ ।।

    ବିଚିତ୍ର ସୃଷ୍ଟି ସର୍ଜନା
    କେ' କରେ କେଉଁ ବାହାନା
    କଳିଯୁଗ ପାଇଁ
    ଶାନ୍ତି ପୁର ଏହି
    ସର୍ବେ କର ତା' ବନ୍ଦନା ଲୋ
    ମିତଣୀ ଶୁଣ ଲୋ । ।। ୦୭ ।।

    କବି କୁଟୀର
    ଦଣ୍ଡାସିଂହା, ବାରକୋଟ
    ଦେବଗଡ (ଓଡିଶା)
    ମୋ-୯୬୬୮୨୪୨୭୨୦