• vinamra_ 22w

    Yeh unn dino ki baat hai

    ye unn dino ki baat hai
    jab dard me kat ti raat hai
    ek khoon ka rishta hai
    jo rehta har waqt saath hai.

    aagaaz baarah pe hoti iski
    anjaam pachaas pe hoti hai.
    kuch din ka rehta chain
    kuch din wo dard se roti hai.

    kya karu,kisse batau
    kya seh rahi hu,kisko sunau.
    iss samay me chahiye koi meet
    kon dega saath,meet kisko banau.

    dar mat,hausla rakh,kamzor mat ban
    ye sab baatein maa hamesha batati hai.
    yuu to log kehte hain ki "daag acche hain"
    magar wo daag hi hai, darr jiski hamesha satati hai.

    do boond khoon dekh kar to log darr jaate hain,
    ham ladkiyon ki to dekho
    har roz itna lahu bahaana to aasan nahi
    hamko hi pata hai ham ye kaise seh paate hain.

    iss samay me khud ko sambhaalna aasan nahi
    khud ki rasoi me jana paap kehlata hai
    lagta hai kisi jail me band hu
    ye mera khud ka makaan nahi.

    logon ko iss baare me baat karne me sharm kyu aari hai
    aisa lagta h jaise ye koi chhuachut ki bimari hai.
    itna kasht seh kar bhi jo har waqt hasse
    haa ye wahi naari hai.

    waqt hai ki logon ko jaagruk karne kaa
    taki hame bhi lage ki koi to hamare saath hai.
    Haa ye unn dino ki baat hai,
    yehi unn dino ki baat hai.
    ©vinamra