• drgynaec 23w

    ମୁଁ

    ଭରା ରାତି ମାଡିଆସେ ଯେବେ
    ଆଉ ମୁଁବି ଆଖି ବୁଜିଦିଏ
    ସ୍ୱପ୍ନସବୁ ଜୀବନ୍ନ୍ୟାସ ପାଏ
    ମରିଯାଏ ପୃଥିବୀଟା ସେବେ

    ଆସେ ପୁଣି ଉଷା ରାତିଶେଷେ
    ମରିଯାନ୍ତି ସ୍ୱପ୍ନସବୁ ମୋ'ର
    ବାସ୍ତବତା ଦେଖେ ଜୀବନର
    ଆଖିଖୋଲି ମୁଁବି ଅଙ୍କ କଷେ

    ରାତି ବକ୍ଷେ ତବ ଆଲିଙ୍ଗନ
    ମୃତ୍ୟୁଦିଏ "ମୁଁ"କୁ ମୋହର
    ଯେବେଜମେ ପୀରତି ଆସର
    ବୃଥାହୁଏ ରଜନୀ ଜନମ

    ଦିବାରମ୍ଭେ ତ୍ୟାଗୀ ମମଛାୟା
    ଆପଣାଅ ସଂସାର ଜଞ୍ଜାଳ
    ମରିଯାଏ ଗତିଶୀଳ କାଳ
    ପୋଡିଯାଏ ମୋ' ପାର୍ଥିବ କାୟା
    ©drgynaec