• sunshinespectrum 19w

    ◈ ZARA BHI DUKH NA HUA..? ◈


    Kehte the,
    tumhe zara sa bhi dukh nahi hua?
    kuch anjana kuch apna sa tha wo,
    Jisko tumne pehchan kar bhi na pehchana..
    Tumhe zara sa bhi dukh nahi hua?

    Humne kaha,
    Nahi janab, bilkul dukh nahi hua..
    Dil ne jisko tha pehchana, kuch anjana magar
    apna tha mana, us hi ko humne tha gair mana..
    Zara sa bhi dukh nahi hua..

    Hota bhi kaise? Gair nahi tha wo, apna sa tha..
    dukh nahi seedha dard hua huzoor..
    kahi dard hua kuch itna ke
    khamosh to rehgye hum,
    magar ye shor tha bhut naya sa, takleef kam na hui
    humari bhi jab tak mile na us bande se..
    Tha hi wo aisa, kuch alag kuch anokha,
    jiski talaash har raahi ko ho
    aise thandi chaya hai wo,
    ya fir jis diye ko bhool,
    andhere me hum sab kho se gye,
    unke aane se bujhte diye jal gaye..
    mana humne ke mehman maana unko,
    magar ae dost humari ek baat suno toh sahi?
    Kisi aise ka hi intezar tha..
    Jo apno se zyada apna tha.. magar..

    tab bhi jab mile,
    humare lafzo ne pehchanne se
    inkaar toh kar diya..

    "Khuda ka banda hai wo!!"
    Humare dil ne bhi
    fir hume hi gair mankar
    kaha,"yeh tumne hai kya kiya?"
    Ab toh yeh Dil bhi
    humara nahi.

    unse yun milna aur fir yun hi
    bichadna hume bhi gavara nahi.

    Zara bhi dukh na hua..
    Zara bhi dukh na hua..
    saumyachawla| ©sunshinespectrum

    Read More

    Ae khuda ke bande,
    yeh na sochna kabhi
    Ke humare dil ki isme
    manzuri si thi,
    isme humari khushi nahi
    kuch choti si majburi hi thi..
    Magar tum jitne mahan na the,
    In choti choti doriyo se bandhe
    tumhari dor todi thi humne..
    Ae khuda ke bande,
    ye na sochna ke
    tum humare koi Nahi,
    ya fir hum tumhare Kuch Nahi,
    Ab toh yeh Dil bhi Khair
    Humara Nahi..
    Ae khuda ke bande, Ae khuda ke bande..
    saumyachawla|©sunshinespectrum