• jyotich 6w

    Kad

    Bachpan me kandhe pe bithakr tum ghumaya krte the
    Kabhi upar uchhalte toh kbhi meri naak pakdke kheencha krte the
    Jb tum upar uchhalte the toh mai drti nhi thi
    Mere jahen me dr ka khyal aaye usse pahle hi Tum mujhe tham liya krte the
    Rote dekh mujhe tum maa ko daata krte the
    Mere aansu girte dekh tum brdasht nhi kr pate the
    Ek kharonch na lg jaye mujhe pariyo ki trh rkha krte the
    Meri betuki baaton ko sunkr tum khoob hsa krte the
    Dopahr ki kadi dhup na lg jaaye isliye
    Us chhote se ghar ki chhoti si aangan me
    Mujhe apne pyar ke daamn me chhupa ke rkha krte the....

    Kadi dhup me Roz apna khoon bahaate ho
    Thande pani se nhi khoon ke pasine se nhaate ho
    Rozi roti mere liye hi toh kmaate ho
    Toh fir hmaare darmiyan ab ye fasle kyo hain ?
    Kya mera kad bda ho gya bs isliye ?
    Na jaane kitne din mahine beet jate
    Tumhe mujhse baat kiye
    Khabar toh meri Roz lete ho tum maa se
    Pr sayd mujhse bat krna hi bhul jate
    Pta hai mujhe ki ab tumhe mujhse jyaade dusro pe bharosa hai
    Ye mere kad ke bde hone ka sila hai
    Saamne se jb mere bina kuch bole tum gujar jaya krte ho
    Kad mera ab bda ho gya hai ye yad dilake chale jate ho
    Pr pta hai mujhe aaj bhi tum meri utni hi parwah krte ho
    Jitna bachpan me kiya krte the...!!
    ©jyotich