• ankitaprashar 9w

    Aajkal ye dil likhne se thoda katraaye jaa raha hai
    Badi si muskurahat ke peeche chhupe
    Is dard ko aankhon se aansu bana kar
    Beh jaane se ghabraaye jaa raha hai
    "Girl, you need to move on" ko repeat mode pr laga kar
    Bas kisi anjaan raaste pr yun hi
    Bina kisi manzil ke chale jaa raha hai
    Kashmakash toh kuch aisi hai
    Ki har sach jaan kar bhi
    Ye jhut jiye jaa raha hai
    Teri yaadon ko mere zehen me
    Kabhi badhaa kar kabhi ghtaa kar
    Mere emotions ko algebra ki
    Kisi complicated equation ki tarah ghumaaye jaa raha hai
    Un puraani khubsurat yaadon par dhul ki moti parat lga
    Kuch naye kisse baar baar yaad dilaaye jaa raha hai
    Tere bina rehna sikha kar
    Ab mujhe khud se pyaar karna sikhaye jaa raha hai
    Pehli dafa ye mujhe tujh se dur
    Aur khud ke kareeb laaye jaa raha hai
    Ki bas
    .
    .
    Aajkal ye dil
    Likhne se thoda katraaye jaa raha hai!