• sareer_khaama 10w

    #Kashmir

    Khoon se lat pat padi haiN wadiyaN kashmir ki
    Qaid hokar rah gaiN aazadiyaN kashmir ki

    Aap aaye haiN yahaN sattar hatane ke liye
    Aap ne to ki hi haiN barbadiyaN kashmir ki

    Zulm jab had se siwa hota raha badhta raha
    Mil chaliN sehraoN meiN aabadiyaN kashmir ki

    Apni izzat ko bachaye hath meiN patthar liye
    Sar barahna nange pa shahzadiyaN kashmir ki

    KhuN ki mehndi khuN ka sehra khoon ka sindoor tak
    Tumne dekhi hi kahaN haiN shadiyaN kashmir ki