• itshumera 19w

    Thak jaata hoon..
    Khud ko samete rakh nahi paata..
    Bikhar jaata hoon.

    Khaof ke kaale baadal cha jaate hain..
    Toh khud mein hi simat jaata hoon.

    Ladkhadata hoon..
    Gir bhi jaata hoon..
    Kabhi rota toh kabhi hasta hoon..
    Aur uth jaata hoon.

    Raaton ko neend nahi aati..
    Jaagta hoon..
    Kabhi so bhi jaata hoon.

    Akela mehsoos hota hai..
    Sabhi se baat karne chalaa aata hoon..
    Aksar khud hi mein masroof ho jata hoon.

    Likhna chahta toh hoon..
    Phir bhi likh nahi paata hoon..
    Lafzon ki her-pench mein atak jaata hoon..
    Mai thak jaata hoon.
    ©begumhumera