• nikunjgupta 9w

    Train ka Safar!

    Ajib ajnabiyo se ghera hota hai ye train ka safar, jab kabhi akele safar kiya krta hu tab akela nahi umeed sath le kr chalta hu, Umeed us insan ki jo ajnabi toh hai magar ajib nhi, anjan bhi hai magar shaitan toh nhi, hum aksar apni umar k hi as pas kisi ko dhundte hai, Milte hai ese log safar mai mera yakin maniye, jab milte hai phele thodi si seat k pas jgha, fir unke safar kaha talak hai ye aur bus fir wahi mulakat fir baat fir khana sath sath, Safar mai Kisi khas k mil jane pe apki soch mai bhi badlav ajate hai, phele ap sochte the jldi se safar khatam ho, aur ab ap sochte hai ki ye safar khtm hi na ho. Ya toh apka station phele ayega ya unka ya fir sath sath. Magar teno pehelu mai bichadna toh hai. Jaise-jaise station pass ata jata hai wese wese apki ikcha tez ho jati hai, in kuch hi ghanto k safar ne apko bechen kr diya hai, ap us mehman k touch mai hamesha rehna chahte ho, aur jaise hi station ata hai. Ya toh ap unse unka number mang lete hai ya fir himat har k safar ko safar ki trha hi mann lete hai.

    Kuch is trha hi hota hai jevan sathi ka safar jis mai shadi ek train hai jis pe do log chadte hai aur safar chlta chala jata hai isi bech unhe kuch nanhe mune meheman aur mil jate hai magar kisi din toh safar khtm hona hi hai. Isliye jevan ko safar kaha gaya hai jitna jeena hai safar k sath sath je lijiye.

    Ticket katne wala bhagwan hai jo ye toh batata hai ki safar shuru kab aur kaha hua magar kahtam kab aur kahan hoga ye hame nahi batata.

    Ek bar fir se pad lijiye first peragraph ap kahi na kahi apne ap ko khoj hi lege.

    ©NikunjGupta.