• msk_uncensored 22w

    Main chhaon se chhupa karta hoon,
    Mujhe chhat nahi, aasmaan miley...
    Mujhe aandhi miley, kohra miley,
    Baarish miley, toofan miley...

    Hawaaein yoon, jisse kaanp kar,
    baa-adab jhuk jaye shajar...
    Itna kohra, ke jisse haar kar,
    Bhare din me dhundlaae nazar...

    Fir tu miley us baarish me,
    Ya fir duniya veeraan miley...
    Mujhe aandhi miley, kohra miley,
    Baarish miley, toofan miley...

    ©msk_uncensored