• yashraj1912 9w

    Tu Aaj Bhi Hai

    Tere Ishq ki laqiro pe,
    Pair mere dagmagaye nahi...
    Tune itne shikwe kiye,
    Par mera ek aansu tak bhi aaya nahi...
    Dil par zor rakhta hu apne,
    Na jaane tere saamne kyu behek sa jaata hu,
    Aisa dil hai mera, jo shayad,
    Tujhse pehle kisi pe, aaya nahi...

    Shayad sapno ki wo haseen chai,
    Tujhe yaad nahi ab...
    Jiski humne saath mein,
    Raat bhar chuskiya bhari thi...
    Shayad, wo waqt bhi abh gawaah na raha...
    Jiski raat se chota hokar,
    Subah ho jaana, bhi jaise tujhe yaad nahi.

    Teri har nazaakat ko, har adaa ko,
    Iss zehan mein utaar chuka hu...
    Par ab shayad,
    Tujhe meri hi talab, ab nahi rahi...
    Aur waqt hi toh maanga tha,
    Tera nahi, wo bhi mera...
    Par teri zarurat hi aisi hai,
    Ki mai teri zarurat kabhi ban paya nahi...

    Laut aata hu tere kareeb,
    Tujhse dur jaakar mai,
    Khush rehke bhi paata hu khud ko adhoora,
    Khud ke paas aakar mai.
    Toot chuka hu mai!
    Par toota hua tera khwaab,
    Mujhme pura, aaj bhi hai.

    Aaj bhi hai wo chahat teri,
    Aaj bhi hai wo zidd meri,
    Kehta nahi ye shayar kabhi tujhe,
    Lekin iska sabse haseen khwaab,
    Tu Aaj bhi hai.

    Wo tera ehsaas in hawaaon mein,
    Aaj bhi hai...
    Teri baato se ras jo gula tha,
    Uski mithaas, aaj bhi hai,
    Kehte hai waqt dheere dheere,
    Saari yaad bhula deti hai...
    Magar mai kehta hu ki,
    Mere zehan mein kahi na kahi,
    Tu aaj bhi hai...
    Tu aaj bhi hai.
    ©yashraj1912