• musa_ghaznavi 6w

    Bache bhi giriftaar dekhe hain
    Laashoon k anbhaar dekhe hain

    Dekhe hain barham hukumraan aur log
    Khushiyoon k karzdaar dekhe hain

    Ye wehshat i gulistan aam si baat hai
    Fool b lachaar dekhe hain

    Dekhi hain sarhadein aur jangein bhi
    Ounche wo dewaar dekhe hain

    Raiyegaan umrein huvein hain to kya
    Khoon k karobaar dekhe hain

    Ye junoon, jawaani aur phr wo inqilaab
    Khwab aise beshumaar dekhe hain

    Aur phr tandrust ayaash bekaar bethe hain
    Ladte wo Bemaar dekhe hain

    Wo tooti talwaaroon se waar krna
    Aise b salaar dekhe hain

    Wo khamosh eidein aur sehme log
    Luttey wo bazaar dekhe hain

    Wo dekhe hain ghaazi mutthi bhar log
    Shikast khaaye log hazaar dekhe hain

    - Musa Ghaznavi