• shoaib_malik 20w

    Ye Rasta Tera Hai

    Tere sath hain ye kitabein,yeh basta tera hai,
    Yeh khwab hain saare tere,yeh rasta tera hai,

    Rakhna na khauf dil mai,darke tu is safar se,
    Chalte hai rehna tujhko,ye rasta tera hai,

    Rah mai hongi andhiya,aur khaufnak toofan,
    Datkar hai tujhko rehna,ye rasta tera hai

    Ye unchi si chattanein,rokenena tujhko payein,
    Qadmo mai inko lana,ye rasta tera hai,

    Nadio ki tez lehrein,dikhayen jo chal apni,
    Isey cheer ke par karna,ye rasta tera hai

    Kitna bhi badle mausam,aur sard ho jo har su,
    Hosla ye garm rakhna,ye rasta tera hai,

    Ye unche unche parbat,inki nok pe ye baadal,
    Inko tujhe hai chhuna,ye rasta tera hai,

    Anginat hain darkhat,darkhato mai meway,
    Saray samet lana,ye rasta tera hai,

    ┬ęshoaib_malik