• nishidbafna 10w

    Bachpan ki woh galiyaan...

    Khoobsurat the din woh
    Jahan masoomiyat se bhare the hum
    Padhai hi thi ek pareshaani
    Aur badhon ka daantna hi tha gham..

    Rehte the uss duniya mei
    Jahan khel-kood hi karte the din bhar
    Galiyon mei hote the chuppan chupayi
    Aur andar kambal takiye ke banate the ghar..

    Jhagadte the uss remote ke liye
    Aur jiske haath lagta ussi ka chalta raaj
    Hoti thi ladaai sabhi bhai beheno mei
    Aur reh jaate the nakhun ke nishaan ..

    Garmiyon ki chutti aati thi
    Toh chale jaate the naani ke ghar
    Bachpan ki woh galiyaan itni khushiyan deti hai
    Aur sukoon se bhar deti hai apna mann..

    ©nishidbafna