Kuchh alag hain

Main vahi hoon ,
Main vahin hoon ,
Bas mizaaz kuchh alag hain ,

Sapnon mein tha ,
Abhi bahar aaya hoon ,
Isiliye raaz kuchh alag hain ,

Bahut kuchh sikha maine ,
Zindagi se ab tak ,
Isiliye andaaz kuchh alag hain ,

Kehne ko tha main ,
Abhi kuchh dhun mein ,
Pata chala ki saaz kuchh alag hain ,

Roz nahin dohrati ,
Zindagi khud ko ,
Mere kal aur aaj kuchh alag hain ,

Samajhne se pehle kisiko ,
Galti mat kar baitthna ,
Insaan chaahe kaisa bhi dikhe ,
Uske vichaar kuchh alag hain.......


©pb19_scores