• whenwordstakeapoeticturn 31w

    Aapke liye kabhi likhi nahi kabita

    Papa, aapke liye maine kabhi likhi nahi kabita
    Kyunki shabd kam par jaate hain
    Aur shabd mil bhi jaaye toh usme jajbaad samah hi naa paate hain.

    Meri ek choti si khushi aapke liye itni maayne rakhti hain
    Aisa lagta hain mano kebal meri hi khushi aapki duniya saja sakti hain.

    Ek hi sapna hain aapke ankhon mein ki mere sapne purein ho jaaye,
    Chahe woh aapko koi bhi hadd tak le jaaye

    Meri muskaan dekh kar aap aise khush ho jaate ho
    Aisa lagta hain duniya ki har khushi aap mere khushi mein paate ho.

    Jitna bhi aap mushkil sahlo, mujhpe aanch naa aaye yeh nischit kar lete ho,
    Kaise aap apni har khushi mere liye yu gawara kar dete ho

    Aapse hi toh maine zindegi kaa har salika seekha hain
    Papa, aapke hi nazro se maine is duniya ko dekha hain.

    Isliye aapke liye kabhi likhti nahi kabita
    Kyunki aap toh mere kahani mein baste ho
    Rab kare Aapki ungli thaame hi meri manzil aur mere saare raaste ho.

    ©whenwordstakeapoeticturn