• rameez_raja 5w

    Nye Kapde

    naye kapḌe badal kar jāa'un kaha'n aur baal banau'n kis ke liye

    vo shaḳhs to shahr hi chhoḌ gaya maia bāhar jau'n kis ke liye

    jis dhuup kī dil mein ThanDak thi vo dhuup usi ke saath gai

    in jalti balti galiyon mein ab ḳhaak uḌa'un kis ke liye

    vo shahr mein tha to us ke liye auro'n se bhi milna paḌta tha

    ab aise-vaise logo'n ke mai naaz uthau'n kis ke liye

    ab shahr mein us ka badal hi nahi'n koi vaisa jaan-e-ġhazal hi nahi'n

    aivan-e-ġhazal mein lafzo'n ke gul-dān sajau'n kis ke liye

    muddat se koi aaya na gaya sunsan paḌi hai ghar ki faza'n

    in ḳhali kamro'n mein 'nāsir' ab shamma jalau'n kis ke liye