• sunil_dhauni 9w

    ◆Title: Intercast Relationship

    ◆Poetry By: Sunil_Dhauni

    Mai etne quotes padhta tha,
    Etne comments padhta tha,
    Aur etne couples ko dekhta tha,
    Jisko dekho bas yahi kehta tha,
    Ki bhai pyaar mai sabka kat jaata hai,
    Kabhi ladki chhor deti hai,
    To kabhi ladka chhor deta hai...
    Lekin phir mai apni jaan ki taraf dekhta,
    To mujhe kitni tasalli hoti thi ki chlo,
    At least is dhokebaz duniya mai ak insaan to hai,
    Jo sirf mera hai aur mere liye hai...
    Sab kuch etna pyaara tha, khushaal mahaul tha,
    Log hume dekh ke couples goals jesi misaalein dete the,
    Usmai bhi zid thi mujhe kabhi na chhorne ki,
    Aur mujhme bhi use kabhi na chhorne ki...
    Phir ak din humare parents ko pta chla,
    Ki hum dono ak doosre se pyaar krte hein,
    Aur shadi bhi krna chahte hein,
    Unhone kaha ki beta shadi nahi ho sakti,
    Kyoki wo humare Caste ke nahi hein,
    Aur ye shadi bhi hui toh chaar log kya kahenge,
    Aur humari kitni badnami ho jayegi is samaaj mai,
    Aur Aankhir mai aap kitna bhi sachha pyaar krte ho,
    Apne parent's ki badnaami to nahi hone de sakte,
    To alag hona pad gaya...
    Matlb ak to waise hi sachhe ladke aur ladki milna,
    Etna muskil hai aaj ke zamaane mai,
    Ek tha toh Caste ko manzoor nahi hua,
    Humara pyaar humara rishta...
    Un tamaam Parent's se ak sawaal karna chahta hu,
    Ki is tarah se apne bachhon ki khusiyon ko cheenke,
    Aapko kya haasil hota hai....
    Sirf ak darr ki chaar log kya kehnge,
    Beizzati ho jayegi samaaj mai aapki,
    Is purani soch ko kinare mai rakho,
    Aur apne bachhon ki khushiyon ke bare mai socho,
    Kam se kam kisi insaan ko,
    Uski Caste ke besis pe reject mat kro...
    Aaj jo aapke saath hua,
    Bas wo aapke hone wale bachhon ke saath na ho,
    Isi tarah se is soch ko khtam kiya ja sakta hai...
    Jaat aur dharm ki wajah se logon ke,
    Jazbaton se khilwaad krna band kro,
    Kyoki Insaaniyat se bada koyi dharm nahi,
    Aur Ishq ka koyi Mazhab nahi...!!