• nehaaaa 23w

    Tum mujhey.

    Tou chalo aaj me khudko mohbt ka naam dun,
    Tum mujhy jafaaon ki gehraiyon me dibo dena.

    Tou chalo aaj me khudko waaday ka naam dun,
    Tum mujhy jhutla kr sbke aagy giraa dena.

    Tou chalo aaj me khudko rastay ka naam dun,
    Tum mujhy brbaadi ki manzilon se mila dena.

    Tou chalo me aaj khudko kalaam ka naam dun,
    Tum sabko khamoshi ki neend sulaa dena.

    Tou chalo aaj me khudko yaad ka naam dun,
    Tum mujhy kitaab e ishq k pann'o me likh dena.

    Tou chalo aaj me khudko geet ka naam dun,
    Tum suron se baghawat kar dena.

    Tou chalo aaj me khudko dil ka naam dun,
    Tum mujhy aashiqon k hawale krky mitaa dena,

    Tou chalo aaj me khud ko gham ka naam dun,
    Tum mujhy aansuon ky zariye bahaa dena.

    Tou chalo aaj me khudko mout ka naam dun,
    Tum mujhy dafnaa kr maqbaray bana dena.

    Tou chalo aaj me khudko tumpe waar dun,
    Tum farz e barbaadi hee adaa krdena. ♥️
    ©nehaaaa